Letlakala la kamogelo
LEFAPHA LA BORAKGWEBO-POTLANA KA KAKARETŠO
Go ba le kwešišo ya gore lefapha la kgwebo le bopilwe go ya ka dikarolwana tše dinnyane:
Dikgwebo tše nnyane kudu
Dikgwebo tše di nago le maikemišetšo a go gweba lebaka le letelele di nyaka letseno la lebakanyana. Tšona gantši di thwala mošomedi o tee go ya go ba babedi.
Dikgwebo tše nnyane, di tšwela pele di le tše dinnyane. Tšona gantši di thwala bašomedi ba go fihla ba bahlano.
Dikgwebo tše nnyane tšeo di nago le bokamoso bja go phadima
Dikgwebo tše nnyane. Dikgwebo tša mohuta wo di thwala bašomi ba go fihla masome a mabedi
Dikgwebo tše di lego maemong a go ka phadišana le dikgwebo tše dingwe. Tšona di thwala palo ya bašomi ba go ka ba makgolo a mabedi.
PONELOPELE
Go ba motšeakarolo yo bohlokwa yo a šetšanago le diphetogo le thekgo mola ka go le lengwe re thuša go godiša dkgwebo tše dinnyane ka mo nageng.
Maikemišetšo
Go bapatša le go thekga rakgwebo-potlana ka go ama batho bao ba sa tšeego lehlakore, le go netefatša gore dikgwebo tše bjalo di a gola le go thuša go matlafatša ekonomi ya naga ye.
Re itlama go fana ka ditirelo le dinyakwa ka mokgwa wa sephorofešenale. Mananeo a rena ka moka a tla šetša kudu dinyakwa tša basadi, batho bao ba nago le bogole, baswa le dinaga dinagamagae.
Go lemoga le go aga dikgwebo tše nnyane gore di kgone go aba ditirelo tša maleba mebarakeng
Go netefatša gore dikgwebo tše nnyane di ba le setswalle le monyetla mebarakeng
Go beakanya le go nyakišiša tshedimošo ya maleba ka maikemišetšo a go aga dikgwebo-potlana
Go bapatša ditšweletšwa tša Ntsika, ditirelo le go hlola menyetla ya kgwebo
Maikemišetšo magolo a Ntsika: Magoro a mararo
Kgodišo ya dikgwebo le setswalle
Mebaraka
Go bopša ga mananeo, dinyakišišo le tshedimošo
Kgodišo ya mebaraka le setswalle dikgwebong
Go nyakela borakgwebo-potlana menyetla ya kgwebo le go hlohleletša bareki gore ba reke ditšweletšwa go tšwa go borakgwebo-potlana. Go hloma setswalle dikgwebong tše nnyane le go di thuša gore di kgone go hwetša bareki le mafelo a go rekišetša (mebaraka) ya maleba a ka mokgwa wa tšhomišanommogo.
Kgodišo ya mebaraka le setswalle dikgwebong
Go hlola tšhomišano gare ga dikgwebo-potlana le menyatla ye e bego gona mebarakeng.
Mešongwana
Go tsenelela mebarakeng
Go bapatša le go godiša setswalle dikgwebong
Go hlohleletša bao ba nago le kganyogo ya go thoma dikgwebo-potlana gore ba itlhomele dikgwebo tša bona le gore bao ba šetšego ba le dikgwebong tšeo di lego seemong seo motho a ka rego di a gola gore di kaonafatše kabo ya tšona ya ditirelo.
Go nyakišiša le go godiša dikgwebo-potlana gore di kgone go fihlelela dinyakwa ka moka tša kgwebo mebarakeng.
Mešongwana
Go thoma le go godiša dikgwebo-potlana
Go godiša dikgwebo-potlana
Go kaonafatša ditseno tša dikgwebo-potlana
Go hlama lenaneo, dinyakišišo le tshedimošo
Go kgokaganya le go dira dinyakišišo ka ga dikgwebo-potlana, go fana ka tshedimošo ka ga dikgwebo-potlana, go fana ka tsebo ya godimo mananeong a borakgwebo-potlana le tsela goba lenaneo la go akanyetša.
